Спасовски испратил барање до ВМРО-ДПМНЕ за нов канидат за министер за труд и социјална политика
- Владата вечерва во 21 часот ја одржува деветата седница, но во владиното соопштение не се наведени повеќе детали.
![Спасовски испратил барање до ВМРО-ДПМНЕ за нов канидат за министер за труд и социјална политика](https://new.mia.mk/index.php/images/20221102183156_big_730x400_8.webp )
Скопје, 15 февруари 2020 (МИА) - Владата вечерва во 21 часот ја одржува деветата седница, но во владиното соопштение не се наведени повеќе детали.
Премиерот Оливер Спасовски веќе испратил барање до опозициската ВМРО-ДПМНЕ да назначи нов министер за труд и социјална политика по разрешувањето на Рашела Мизрахи.
-Согласно член 44 став три од Закон за Влада потребно е да предложите кандидат за министер, кој ќе раководи со Министерството за труд и социјална политика во Владата на Република Северна Македонија, се наведува во барањето на Спасовски до ВМРО-ДПМНЕ.
Собранието претходно со 62 гласа „за“ ја разреши Рашела Мизрахи од позицијата техничка министерка за труд и социјална политика. Спасовски достави до Собранието предлог за нејзино разрешување, а барањето следуваше откако Мизрахи неколкупати се појави на прес-конференција во МТСП пред табла со името „Република Македонија“.
Премиерот на седницата за разрешувањето на Мизрахи рече дека несериозно е некој да си поигрува со Уставот - кога некому му одговара, да го почитува, а кога треба да добие партиски интерес да го погазува.
Мизрахи, пак рече дека нарушените меѓучовечки односи, непостоење на вредности, распаднат систем, криење проблеми, очајни граѓани, исплашени вработени во МТСП, се проблемите на Министерството за труд и социјална политика. ац/
![Оливер Спасовски барање МТСП](/articles/images/spasovski-ispratil-bara-e-do-vmro-dpmne-za-nov-kanidat-za-minister-za-/27KOz5rSt/placeholder.webp?use_watermark=0)