Спасени 27 бегалци и мигранти на Лезбос, еден загинат
- Вкупно 27 лица се спасени во акцијата на грчката крајбрежна служба во непристапна копнена област во југоисточниот дел на грчкиот остров Лезбос, додека, пак, пронајдено е телото на маж, кој ве
![Спасени 27 бегалци и мигранти на Лезбос, еден загинат](https://new.mia.mk/index.php/images/20221105184902_big_730x400_42.webp )
Атина, 19 јануари 2021 (МИА) – Вкупно 27 лица се спасени во акцијата на грчката крајбрежна служба во непристапна копнена област во југоисточниот дел на грчкиот остров Лезбос, додека, пак, пронајдено е телото на маж, кој веројатно починал од премрзнатост, јави дописничката на МИА од Атина.
Станува збор за бегалци и мигранти, а спасувачката акција, како што утрово објави МИА, се водеше преку море поради непристапниот предел.
Од грчката крајбрежна служба соопштуваат дека со помош на два брода и хеликоптер на крајбрежната служба и два брода од армијата, во карпест дел од островот биле пронајдени 24 лица и безживотното тело на еден маж, додека, пак, останатите три лица биле пронајдени на копно.
Спасените бегалци и мигранти биле пренесени на пристаништето во Митилини. ср/гт/