Лондон, 19 јули 2024 (МИА) - Двајца членови на екипажот се префрлени во болница, а остатокот од екипажот е спасен со чамци за спасување откако денеска се судрија два танкера кај брегот на Сингапур.

Сингапурскиот танкер „Hafnia Nile“ и танкерот „Ceres I“ се лоцирани на околу 55 километри североисточно од островот Педро Бранко во Сингапур, објави Поморската и пристанишната управа на Сингапур (MPA), пренесуваат британските медиуми.

Се уште не е позната точната причина за несреќата. Поморскиот сообраќај не е засегнат, изјави портпаролот на Меѓународната поморска организација.

Танкерот „Hafnia Nile“ носел околу 300.000 барели нафта, а „Ceres I“ околу два милиони. мс/

фото: ЕПА