Со четири цистерни се дезинфицираат улиците низ Карпош
- Четири цистерни од денеска активно ќе работат на миење и дезинфекција на улиците и фреквентните локации низ Општина Карпош.
![Со четири цистерни се дезинфицираат улиците низ Карпош](https://new.mia.mk/index.php/images/20221103012125_big_730x400_64.webp )
Скопје, 3 април 2020 (МИА) - Четири цистерни од денеска активно ќе работат на миење и дезинфекција на улиците и фреквентните локации низ Општина Карпош.
Како што соопштија денеска од општината, се мие и дезинфицира пред маркети, аптеки, банки и други места, каде што е забележано поголемо присуство на граѓани.
-Покрај двете цистерни на општината, на терен мијат и дезинфицираат и цистерните на фирмите „Анизор“ и „Гранит“. Станува збор за една четири тонска и една седум тонска цистерна, кои се резултат на општествена одговорност на овие компании, информираат општинските власти.
Оттаму посочуваат дека во текот на денот се миеја и дезинфицираа улици и фреквентни локации во Карпош 3, Карпош 4, Бардовци, Злокуќани, Бардовци и Тафталиџе - кај пазарчето,
Локалната самоуправа, како што наведува во соопштението, ќе продолжи со секојдневните активности за унапредување на јавната хигиена и заштита на граѓаните од коронавирус и ги повикува сите граѓани да ги почитуваат препораките од ресорните институции, да избегнуваат собирање во големи групи и движење во затворени простории.бт/са/
![](/articles/images/so-chetiri-cisterni-se-dezinficiraat-ulicite-niz-karposh/MTkv3KA9C/placeholder.webp?use_watermark=0)