Со цртање на отворено во Струмица одбележана Детската недела и Денот на учителите
- Со цртање на штафелаи во Градскиот парк во Струмица денеска беше одбележана Детската недела и Денот на учителите во организација на Домот за деца и млади „Благој Мучето“.
![Со цртање на отворено во Струмица одбележана Детската недела и Денот на учителите](https://new.mia.mk/index.php/images/20221108180311_big_730x400_69.webp )
Струмица, 5 октомври 2021 (МИА) - Со цртање на штафелаи во Градскиот парк во Струмица денеска беше одбележана Детската недела и Денот на учителите во организација на Домот за деца и млади „Благој Мучето“.
На денешниот настан учествуваа ученици од основните училишта од сите општини во струмичкиот регион заедно со нивните наставници по ликовно образоавание.
- Темата на која творат учениците е „Не заборавајте ги децата, дарувајте им љубов и внимание“. Оваа тема е прифатлива за децата, бидејќи на нив секаде им е потребна љубов и внимание. Цртаат на хамер, а користат сув пастел, рече Светлана Мазгалоска Вучетиќ, директор на Домот за деца и млади во Струмица.
Најави дека одбележувањето на Детската недела ќе продолжи со распишаниот ликовен и литературен конкурс на тема „Поубав свет за сите“, кој треба да се одржи на крајот на овој месец. рт/ар/