Во Градскиот парк најмладите учеа како да се штеди
- Преку игра и забава, денеска на настанот по повод Светскиот ден на штедењето, децата имаат можност да се запознаат со финансиските термини и со начините на штедење. „Среќата е во малите чекори“ е мотото под кое Халк банка организираше настан за најмалите во Градски Парк во Скопје. На настанот децата преку игра и забава го учат зборот штедење, што може да се штеди и кои се начините за заштеда.
![Во Градскиот парк најмладите учеа како да се штеди](https://new.mia.mk/index.php/images/20231031142534_big_730x400_19.webp )
Скопје, 31 октомври 2023 (МИА) - Преку игра и забава, денеска по повод Светскиот ден на штедењето, децата имаа можност да се запознаат со финансиските термини и со начините на штедење.
„Среќата е во малите чекори“ е мотото под кое денеска „Халк банка“ организираше настан за најмалите во Градскиот парк во Скопје. На настанот децата преку игра и забава учеа што значи штедењето и кои се начините за заштеда.
Главен лик на настанот беше слончето Халки кое и денеска, во Градскиот парк ги забавуваше децата. Целта на настанот е да се создаде навика за штедење уште од мали нозе.
Програмата започна во 13 часот со отворена детска работилници на тема „Среќата е во малите чекори“ по што следуваше музички блок со најголемиот другар на децата, слончето Халки, а во 16 часот е закажана промоција на „Букварот на Халки“.
Станува збор за креативно решение во кое преку азбуката дефинирани се финансиски поими низ слики, многу бои и забавни содржини.
Караванот на Халки веќе ги помина градовите Гевгелија, Битола и Куманово каде ученици од основните училишта имаа прилика заедно со Халки да се запознаат со финансиските поими. сан/бак/
Фото: МИА