Со литературен перформанс одбележан Денот на жената во Земјоделско - шумарското училиште во Кавадарци
- Со литературен перформанс денеска беше одбележан Денот на жената, 8 Март, во средното Земјоделско - шумарско училиште „Ѓорче Петров" во Кавадарци. Професорот по македонски јазик Влатко Тасев рече дека ова е ден кога се одбележува борбата на жените за економска, политичка и социјална рамноправност со мажите. Тој нагласи дека жената, мајката, отсекогаш била столб во семејството.
![Со литературен перформанс одбележан Денот на жената во Земјоделско - шумарското училиште во Кавадарци](https://new.mia.mk/index.php/images/20230308114356_big_730x400_29.webp )
Кавадарци, 8 март 2023 (МИА) - Со литературен перформанс денеска беше одбележан Денот на жената, 8 Март, во средното Земјоделско - шумарско училиште „Ѓорче Петров" во Кавадарци. Професорот по македонски јазик Влатко Тасев рече дека ова е ден кога се одбележува борбата на жените за економска, политичка и социјална рамноправност со мажите. Тој нагласи дека жената, мајката, отсекогаш била столб во семејството.
- Жената, мајка, е инспирација за многу познати писатели и поети. Токму затоа, наши ученици денеска се претставија пред свои соученици и вработени во училиштето, со извадоци од неколку книжевни дела. Тие влегоа во ликовите на Ленче од „Бегалка", Велика од „Пиреј", Неда од „Сердарот", Доста од „Крпен живот" и други, појасни професорот.
Тој нагласи дека воспитно-образовниот процес е многу важен сегмент во животот на младите, во кој тие се едуцираат, меѓу другото и за еднаквост и еднакви можности за сите, без предрасуди.
Училиштето постои 66 години, а неговото мото е „Денес ученик, утре стручњак". свд/мч/
Фото : Училиште ,,Ѓорче Петров"