Сопственикот на Луј Витон купи пет фирми за вештачка интелигенција за 300 милиони долари
- Семејната фирма на Бернар Арно, Вентурес, инвестираше над 300 милиони долари во пет стартапи за вештачка интелигенција во 2024 година.
![Сопственикот на Луј Витон купи пет фирми за вештачка интелигенција за 300 милиони долари](https://new.mia.mk/index.php/images/20240903090510_big_730x400_18.webp )
Париз, 3 септември 2024 (МИА) - Семејната фирма на Бернар Арно, Вентурес, инвестираше над 300 милиони долари во пет стартапи за вештачка интелигенција во 2024 година.
Најголемата инвестиција беше 220 милиони долари во Х (поранешна Холистик), француска фирма фокусирана на вештачка општа интелигенција. Вентурес, исто така, го финансираше Ламини, стартап за вештачка интелигенција во Пало Алто, со 25 милиони долари, како и Прокима, компанија за дигитален маркетинг со вештачка интелигенција со седиште во Њујорк, со 12 милиони долари.
Покрај тоа, инвестираше 27 милиони долари во Бордерлес, платформа за човечки ресурси со седиште во Торонто и 43 милиони долари во Фоторум, француска компанија за уредување фотографии со вештачка интелигенција.
Францускиот бизнисмен Бернар Арно, кој има контролен удел во холдингот ЛВМХ, водечки светски производител на луксузни стоки, е на првото место во рангирањето на најбогатите луѓе во светот.
Според листата на милијардери на Блумберг, богатството на Арно е 215 милијарди долари, а од почетокот на годината пораснало за седум милијарди долари. паг/
Фото: МИА архива