Сопругот ја изневерил со 19-годишна, а таа напиша книга за тоа
- Писателката Габриела Стоун објави видео на „Тик-ток“ во кое објаснува како дошло до нејзината книга „Јади, моли се, #FML“ и што се случило кога нејзиниот сопруг ја изневерил со тинејџерка.
![Сопругот ја изневерил со 19-годишна, а таа напиша книга за тоа](https://new.mia.mk/index.php/images/20221108223910_big_730x400_33.webp )
Лос Анџелес, 16 ноември 2021 (МИА) - Писателката Габриела Стоун објави видео на „Тик-ток“ во кое објаснува како дошло до нејзината книга „Јади, моли се, #FML“ (Eat, Pray, #FML), поточно - што се случило кога нејзиниот сопруг ја изневерил со тинејџерка. Таа го почнува видеото гледајќи сериозно во камерата, па продолжува со танц...
„Мојот сопруг шест месеци имаше врска со 19-годишна девојка. Видов фотографии од неа на каучот во нашата дневна соба. Тој отишол и на одмор со нејзините родители. Ги лажел и им рекол дека се вика Даниел“, пишува таа врз видеото.
Габриела потоа покренала и барање за развод.
„Го напишав мојот 'бестселер' - 'Јади, моли се, #FM' и раскажав сѐ... Купив и куќа. А, ликот го нареков Даниел!“, вели таа натаму.
Инаку, „#FML“ е кратенка „f**k my life" („е**те животот“).
„Ова е претворање на болката во моќ“, „Искрено, застрашувачки е како мажите можат да живеат двоен живот“, - гласат некои од коментарите потоа. си/ссм/