Сопругата на Зеленски хоспитализирана поради Ковид-19
- Сопругата на украинскиот претседател Володимир Зеленски, Олена Зеленска, е хоспитализирана со Ковид-19 и пневмонија, соопшти денеска претседателскиот Кабинет.
![Сопругата на Зеленски хоспитализирана поради Ковид-19](https://new.mia.mk/index.php/images/20221104010655_big_730x400_65.webp )
Киев, 16 јуни 2020 (МИА) - Сопругата на украинскиот претседател Володимир Зеленски, Олена Зеленска, е хоспитализирана со Ковид-19 и пневмонија, соопшти денеска претседателскиот Кабинет.
Состојбата на Зеленска (42) е стабилна, има билатерална пневмонија со „умерена сериозност“ и може да дише без респиратор, се вели во соопштението.
Украинските медиуми пред четири дена јавија дека сопругата на украинскиот претседател е позитивна за коронавирусот, а кабинетот на претседателот подоцна соопшти дека се тестирани и Зеленски и нивните деца, и оти биле негативни.
Во првите денови Олена Зеленска немала никакви симптоми и се чувствувала добро.
Во Украина досега има повеќе од 30.000 заразени со коронавирусот, од кои повеќе од 900 лица починале. јт/