Сопругата го пратила в продавница, тој се вратил со 100.000 долари
- Во семејството од Мериленд (САД), засега неименуван маж отишол во продавницата откако сопругата го испратила да купи пилешко, а тој патем купил и грепка од тамошната лотарија... И, тоа му се
![Сопругата го пратила в продавница, тој се вратил со 100.000 долари](https://new.mia.mk/index.php/images/20240530093434_big_730x400_4.webp )
Балтимор, 8 февруари 2022 (МИА) - Во семејство од Мериленд (САД), засега неименуван маж отишол во продавницата откако сопругата го испратила да купи пилешко, а тој патем купил и грепка од тамошната лотарија... И, тоа му се исплатило.
Таа вечер, по вечерата со вкусно пилешко, човекот ја изгребал грепката и видел дека има добивка. Но не бил сигурен колкава е сумата...
Мислел дека се околу 10 долари - колку за враќање на потрошените пари, но проверил преку апликацијата на Лотаријата во сојузната држава Мериленд и сфатил дека освоил 100.000 долари. Следувала голема прослава, а парите се примени на 28 јануари во седиштето на Лотаријата во Балтимор.
Семејството парите ќе ги потроши за летен одмор, враќање на долгови, поправка на домот, а ако остане - можеби и за нов телевизор. си/