Сончево, претпладне со мала облачност
![Сончево, претпладне со мала облачност](https://new.mia.mk/index.php/images/20221112030725_big_730x400_73.webp )
Скопје, 18 јануари 2022 (МИА) - Времето ќе биде сончево со мала до умерена облачност, а во крајните североисточни делови облачно со слаб снег. Попладне претежно сончево. Ќе дува засилен ветер од северен правец, особено вдолж Повардарието и во источните делови. Минималната температура ќе биде во интервал од -4 до 3, а максималната ќе достигне од 1 до 9 степени.
Во Скопје сончево, претпладне со мала облачност. Ќе дува засилен северен ветер. Минималната температура ќе се спушти до -2, а максималната ќе достигне 6 степени.
Во среда и четврток времето ќе биде стабилно со ниски утрински температури. Влажен бран со врнежи од снег се очекува во петок.