Сончево и многу топло, попладне наместа со локална нестабилост, пороен дожд и засилен ветер
- Скопје, 9 јули 2021 (МИА) – Времето во земјава ќе биде претежно сончево и многу топло, попладне со умерена облачност. Кон крајот на денот наместа ќе има појава на локална нестабилност со поро
![Сончево и многу топло, попладне наместа со локална нестабилост, пороен дожд и засилен ветер](https://new.mia.mk/index.php/images/20221107225226_big_730x400_10.webp )
Скопје, 9 јули 2021 (МИА) – Времето во земјава ќе биде претежно сончево и многу топло, попладне со умерена облачност. Кон крајот на денот наместа ќе има појава на локална нестабилност со пороен дожд, грмежи и засилен ветер.
Утринската температура ќе се движи од 12 до 22, а максималната ќе достигне од 32 до 39 степени.
УВ-индексот ќе изнесува 9.
Во Скопје, претпладне сончево и многу топло. Преку денот со слаб до умерен северен ветер. Попладне ќе има услови за појава на краткотраен пороен дожд и грмежи проследени со засилен ветер. Утринската температура ќе се спушти до 19, а дневната ќе достигне до 38 степени.
Нестабилно на повеќе места ќе биде во деновите од викендот, кога во попладневните часови на места ќе има и поинтензивни процеси во форма на невреме со појава на град. Температурата во овие два дена ќе биде пониска за неколку степени.