Сончево и многу топло, попладне можни поројни дождови и грмежи во Повардарието
- Времето денеска ќе биде сончево и многу топло, со мала до умерена локална облачност во попладневните часови. Ќе дува слаб до умерен ветер, во јужните делови од јужен, а во северните делови од
![Сончево и многу топло, попладне можни поројни дождови и грмежи во Повардарието](https://new.mia.mk/index.php/images/20240618174154_big_730x400_60.webp )
Скопје, 24 јули 2022 (МИА) - Времето денеска ќе биде сончево и многу топло, со мала до умерена локална облачност во попладневните часови. Ќе дува слаб до умерен ветер, во јужните делови од јужен, а во северните делови од северен правец. Кон крајот на денот северниот ветер долж Повардарието ќе засилува и ќе има изолирана појава на нестабилност со пороен дожд и грмежи.
Максималната температура ќе биде во интервал од 35 до 42 степена. УВ индексот ќе изнесува 9.
Во Скопје ќе биде сончево и многу топло, со мала до умерена облачност. Доцна попладне и кон крајот на денот ќе дува засилен северен ветер, а во делови од котлината ќе има услови за пороен дожд и грмежи.
Максималната температура ќе достигне до 39 степени.
Подрачјето на нашата земја и во следните денови ќе се задржи под влијание на топол бран со високи утрински и дневни температури. Нестабилност на повеќе места се очекува в среда и четврток во попладневните часови. сп/