Сони отпушта 900 вработени во Плејстејшн и затвора студио во Лондон
- Јапонскиот Сони укинува околу 900 работни места во својот оддел за Плејстејшн и затвора студио во Лондон, соопшти компанијата, додека индустријата за видео игри се бори да закрепне од падот по пандемијата.
![Сони отпушта 900 вработени во Плејстејшн и затвора студио во Лондон](https://new.mia.mk/index.php/images/20240228120234_big_730x400_57.webp )
Токио, 28 февруари 2024 (МИА) - Јапонскиот Сони укинува околу 900 работни места во својот оддел за Плејстејшн и затвора студио во Лондон, соопшти компанијата, додека индустријата за видео игри се бори да закрепне од падот по пандемијата.
Отпуштањата ќе влијаат на околу осум проценти од вработените од Америка до Азија и ќе дојдат неколку дена откако Сони ги намали годишните очекувања за продажба на конзолата „Плејстејшн 5“.
-Дојдовме до заклучок дека тешките одлуки станаа неизбежни, рече шефот на бизнисот со игри на Сони, Џим Рајан, обвинувајќи ги промените во начинот на кој индустријата за видео игри се развива, дистрибуира и лансира производи.
Глобалниот пазар на видео игри порасна за скудни 0,6 отсто минатата година, на 184 милијарди долари, но тоа е многу подобро од падот од повеќе од пет отсто во 2022 година.
Откажувањата ќе се одразат и на другите студија на Сони, вклучувајќи ги и американските Инсомниак Гејмс, кои работеа на игри како што се „Marvel's Spider-Man 2“ и „Naughty Dog“, студиото зад „The Last of Us“.
Сони на почетокот на месецот објави дека очекува постепен пад на продажбата на Плејстејшн 5 од следната финансиска година и дека не планира да објави некои големи наслови на франшиза во претстојната деловна година. мс/
фото: МИА архива