Советот за безбедност на ОН ја отфрли руската резолуција за војната меѓу Израел и Хамас
- Нацрт-резолуцијата поднесена од Русија до Советот за безбедност на ОН, со која се повикува на хуманитарен прекин на огнот во конфликтот меѓу Израел и Хамас, денеска не ја доби поддршката од потребниот минимум од девет земји-членки во 15-члениот совет.
![Советот за безбедност на ОН ја отфрли руската резолуција за војната меѓу Израел и Хамас](https://new.mia.mk/index.php/images/20231017071313_big_730x400_66.webp )
Њујорк, 17 октомври 2023 (МИА) - Нацрт-резолуцијата поднесена од Русија до Советот за безбедност на ОН, со која се повикува на хуманитарен прекин на огнот во конфликтот меѓу Израел и Хамас, денеска не ја доби поддршката од потребниот минимум од девет земји-членки во 15-члениот совет.
Руската нацрт-резолуција доби пет гласа за, четири против, а шест земји членки беа воздржани од гласање.
Русија во петокот ја понуди оваа нацрт-резолуција од една страница, која исто така повика на ослободување на заложниците, пристап до хуманитарна помош и безбедно евакуирање на цивилите.
Текстот го осудува насилството врз цивилите и сите терористички акти, но не го наведува конкретно Хамас. мс/
фото: МИА архива