Советот за безбедност на бугарската Влада следната недела ќе ја анализира политика кон Северна Македонија
Скопје, 9 септември 2021 (МИА) - Советот за безбедност при Советот на министри на Бугарија следната недела ќе разговара за потребата од анализа и ажурирање на целокупна политика на Софија кон Република Северна Македонија, јави БТА.
Премиерот на Бугарија Стефан Јанев, денеска пред новинарите во Советот на министри, изјавил дека постојат теми што се на агендата на општеството и дека една од овие теми е потребата да се анализира и ажурира целокупната политика на Бугарија до Република Северна Македонија.
- Ова особено се однесува во делот на развојот на политичкиот процес во Република Северна Македонија, но и на нашето политичко однесување и потрага по идни решенија во интерес на народите на двете земји, рече Јанев.
Според Јанев, предлогот е да се разговара за целокупната политика на Бугарија кон Република Северна Македонија, без да се излага од рамката усвоена од бугарскиот парламент.
-Целта е да се бараат практични решенија што ќе дадат појдовни точки во надворешната политика на Бугарија, така што таа ќе биде разбрана меѓу нејзините сојузници во ЕУ и ќе има стабилни пораки и решенија во интерес на нашиот национален интерес, рече Стефан Јанев, пренесува БТА. аа/са/
