Совети за вкусно-крцкави печени компири
- Лора Форд од Мелбурн, Австралија го сподели рецептот од осум состојки на својот интернет-простор. Таа, имено, користи бели компири со црвена лушпа, „екстрадевствено“ маслиново масло, путер, с
![Совети за вкусно-крцкави печени компири](https://new.mia.mk/index.php/images/20221108173748_big_730x400_4.webp )
Мелбурн, 30 септември 2021 (МИА) - Нутриционистка ја откри тајната што самата ја користи за приготвување печени компири, кои секојпат излегуваат крцкави.
Лора Форд од Мелбурн, Австралија, го сподели рецептот од осум состојки на својот интернет-простор. Таа, имено, користи бели компири со црвена лушпа, „екстрадевствено“ маслиново масло, путер, свежи лисја од мајчина душичка и мед.
„Овој печен компир предизвикува вистинска зависност. Совршена рамнотежа на слатко и солено, со крцкави рабови. Едноставно, нема да може да престанете да го јадете", напиша таа.
Потребни состојки:
- два килограми црвен компир.
- две лажици екстрадевствено маслиново масло,
- 50 грама путер,
- зачини за сите намени,
- сол и бибер,
- една / две лажици мед (или јаворов сируп).
Се става вода да зоврие и се додаваат компирите. Се приготвуваат 4-5 минути додека не омекнат, но да не станат кашести. Додека компирот се вари, рерната се загрева на 200 Целзиусови степени. Се става маслиновото масло и путерот се пржи во тава две минути - додека не се растопи. Се додаваат компирите и зачините, а потоа и сол и бибер. Компирот треба да биде рамномерно распореден и да не се преклопува - заради максимална крцкавост.
Сѐ тоа се пече 30 минути, потоа се превртува и се пече уште 25-30 минути додека не стане крцкаво. Потоа се истура медот (или јаворов сируп) врз компирите, додека се топли.