Снимки од последната поларна светлина во северна Германија
- Жителите на Германија и во април годинава имаа можност да ја набљудуваат оваа појава. Инаку, Институтот за сончева физика при Германскиот вселенски центар објасни дека појавата на поларната светлина не е особено необична и ретка.
![Снимки од последната поларна светлина во северна Германија](https://new.mia.mk/index.php/images/20230927083505_big_730x400_3.webp )
Берлин, 27 септември 2023 (МИА) - Жители на делови од северна Германија имаа можност да уживаат во поларната светлина ноќта во неделата кон понеделник. Ноќното небо, велат очевидци, беше осветлено со различни бои - зелена, виолетова, жолта и црвена, а неколку дена претходно можеа да се видат необични сцени и над покраината Саксонија-Анхалт.
Жителите на Германија и во април годинава имаа можност да ја набљудуваат оваа појава. Инаку, Институтот за сончева физика при Германскиот вселенски центар (ДЛР) објасни дека појавата на поларната светлина не е особено необична и ретка.
Short but strong Aurora Borealis here in Eastern Germany #astronomy #Auroraborealis #Astrophotography pic.twitter.com/9vxILipffE
— Hyporis (Slaani Ludlow) (@Hyporis_) September 24, 2023
Имено, приближно на неколку години фазите на слаба и силна сончева активност наизменично се менуваат во сончевиот циклус, па периодов се наближува и максимумот на сончевата активност. Следниот врв се очекува во 2025 година.
Статистички гледано, пролетта и есента се најдобри сезони за набљудување на поларната светлина.
Впрочем, оваа „игра на светлината“ настанува кога електроните како производ на сончева бура со голема брзина се судираат со магнетното поле на Земјата. Овој природен феномен отсекогаш ги фасцинирал луѓето, но малку е познато како сѐ тоа произведува звук што многумина го опишуваат како морничав. си/сд/
Фото: „Х“