Словенија ќе даде милион евра за купување муниција за Украина
- Словенија се приклучи на чешката иницијатива за купување на милион парчиња артилериска муниција за Украина од трети земји, соопшти денеска словенечкото Министерство за надворешни работи за агенцијата СТА.
![Словенија ќе даде милион евра за купување муниција за Украина](https://new.mia.mk/default-image/default-730x400.png )
Љубљана, 18 март 2024 (МИА) - Словенија се приклучи на чешката иницијатива за купување на милион парчиња артилериска муниција за Украина од трети земји, соопшти денеска словенечкото Министерство за надворешни работи за агенцијата СТА.
Украина треба да ја добие првата пратка муниција во јуни.
Според соопштението на словенечкото МНР, Владата на седницата во четвртокот разговарала за чешката иницијатива, но не откри повеќе детали за договорот.
Официјална Прага предложи да се купи муниција за Украина од трети земји, бидејќи на Европската унија и недостасува производствен капацитет за муниција.
Според Еурактив, повеќе од 15 земји членки на ЕУ се подготвени да го финансираат купувањето, а на нив им се придодаде и Канада.сд/
фото:МИА архива