Скопјанец приведен во Тетово поради најдени фалсификувани пари
- Тетовската полиција информира дека е приведен човек од Скопје кај кого биле најдени 29 фалсификувани банкноти од по 100 евра. Полицијата го приведе 39-годишниот жител на Скопје вчера околу 15
![Скопјанец приведен во Тетово поради најдени фалсификувани пари](https://new.mia.mk/index.php/images/20221113204859_big_730x400_5.webp )
Тетово, 26 август 2022 (МИА) - Тетовската полиција информира дека е приведен човек од Скопје кај кого биле најдени 29 фалсификувани банкноти од по 100 евра. Полицијата го приведе 39-годишниот жител на Скопје вчера околу 15 часот и 20 минути на улицата „Борис Кидрич“ во Тетово.
-Полициски службеници на СВР Тетово вчера околу 15:20 часот на улица „Борис Кидрич“ во Тетово го лишиле од слобода 39-годишниот О.И. од Скопје поради сомнение за „фалсификување пари“, кривично дело казниво по член 268 од Кривичниот законик. При лишувањето кај него се пронајдени и одземени 29 фалсификувани банкноти од по 100 евра. Тој е задржан во Полициската станица Тетово за натамошна постапка и по документирање на случајот ќе му биде изготвен соодветен поднесок, информира Марјан Јосифоски, портпарол на СВР Тетово.
Инаку, О.И. се сомничи, исто така, дека фалсификувани банкноти пуштил во оптек и на поширокото кичевско подрачје. ас/ки/