Скијање: Австриецот Маер победи во алпска комбинација во Венген
- Тој беше најбрз во спустот, а залихата успеа да ја сочува и по слаломот за прв триумф во кариерата во оваа дисциплина.
![Скијање: Австриецот Маер победи во алпска комбинација во Венген](https://new.mia.mk/index.php/images/20221103164213_big_730x400_98.webp )
Венген, 17 јануари 2020 (МИА) – Австриецот Матијас Маер победи во трката во алпска комбинација што денеска се возеше во Венген со вкупно време од 2:32,45 минути. Тој беше најбрз во спустот, а залихата успеа да ја сочува и по слаломот за прв триумф во кариерата во таа дисциплина.
Генерално гледано, денешната победа во Венген е седма во неговата кариера во Светскиот куп, но премиерна надвор од брзинските дисциплини – спуст и супервелеслалом.
Второто место го освои Французинот Алексис Пинтуро со заостанување од 0,07 стотинки додека трет резултат имаше неговиот сонародник Виктор Муфа Жанде (+0,67 стотинки).
Со освоените 80 бода, Пинтуро го презеде водството во генералниот пласман од Норвежанецот Хенрик Кристоферсен. сѓд/