Пекинг, 19 октомври 2023 (МИА) - Кинескиот претседател Си Џинпинг го известил египетскиот премиер дека Пекинг се надева оти ќе работи со неговата земја за да донесе „повеќе стабилност“ на Блискиот Исток, јавија државните медиуми.

Кина е подготвена да ја зајакне соработката со Египет... и да внесе поголема сигурност и стабилност во регионот и светот, нагласил Си во разговор со Мостафа Мадбули на состанокот во Пекинг, јави државната телевизија.

-Кина и Египет се добри пријатели и делат исти цели и си веруваат. Во моментов, меѓународната ситуација минува низ сложени промени, а светот доживува брзи промени невидени цел век, додал Си. мс/

фото: МИА архива