Сити со понуда од 94 милиони евра за дефанзивецот на Атлетико
- Сити веќе го зеде Нејтан Аке од Борнемут, но сега ќе се обиде да направи уште посериозен трансфер - 25-годишниот Уругваец Хозе Марија Хименез, кој е клучен дел од одбраната на Диего Симеоне.
![Сити со понуда од 94 милиони евра за дефанзивецот на Атлетико](https://new.mia.mk/index.php/images/20221104195630_big_730x400_34.webp )
Мадрид, 14 септември 2020 (МИА) - Англискиот гигант Манчестер Сити ќе бара уште еден дефанзивец. Тука е слабата точка на „граѓаните“, кои се беспрекорни во нападот. Овој пат Пеп Гвардиола има за цел да привлече играч на Атлетико (Мадрид).
Сити веќе го зеде Нејтан Аке од Борнемут, но сега ќе се обиде да направи уште посериозен трансфер - 25-годишниот Уругваец Хозе Марија Хименез, кој е клучен дел од одбраната на Диего Симеоне. Според шпанскиот весник „АС“, „граѓаните“ веќе испратиле официјална понуда до „јорганџиите“.
Вреди импресивни 89 милиони евра, а има и 5 дополнителни милиони евра во вид на бонуси. Така, сумата може да се зголеми на 94 милиони евра. Двете страни веќе подолго време се во контакт, а „црвено-белите“ првично беа категорични дека ќе се разделат од својот играч за сумата наведена во неговата откупна клаузула, поточно - 120 милиони евра.
Сепак, предложените 94 милиони евра се чини дека не се малку и постои можност тимот од шпанската престолнина да се раздели со Хименез.