Сити нема да го позајми Силва на Барселона, туку го продава за 80 милиони евра
- Манчестер сити нема да го даде Бернардо Силва на позајмица во Барселона.
![Сити нема да го позајми Силва на Барселона, туку го продава за 80 милиони евра](https://new.mia.mk/index.php/images/20230716142131_big_730x400_38.webp )
Манчестер, 16 јули 2023 (МИА) - Манчестер сити нема да го даде Бернардо Силва на позајмица во Барселона.
Според „Marca“, англискиот клуб е подготвен да го продаде играчот, за него бара 80 милиони евра.
Барселона, со оглед на финансиската состојба, во моментов нема да може да си дозволи трансфер по оваа цена. Покрај тоа, Каталонците нема да можат да му ја исплатат сегашната плата на Португалецот.
Претходно беше објавено дека Барселона ќе се обиде да го добие на позајмица 28-годишен играч од средниот ред со задолжителен откуп во следната сезона. зс/
Фото: ЕПА