Манчестер, 27 февруари 2025 (МИА) - Манчестер Сити конечно го претстави Аргентинецот Клаудио Ечевери, кој во јануари и февруари играше на Јужноамериканскиот шампионат до 20 години.

Помина повеќе од една година откако потпиша договор со „граѓаните“ и ја направи првата фотографија со дресот, но сега за првпат стапна на стадионот каде што имаат големи очекувања од него.

Неговата едногодишна позајмица од Ривер Плата заврши, давајќи му на Пеп Гвардиола уште една офанзивна опција за остатокот од сезоната.

Ечевери дебитираше за Ривер Плата под водство на Мартин Демикелис и го носеше дресот на првиот тим две години, а во јануари минатата година Сити го купи за 18,5 милиони евра и потпиша договор до летото 2028 година.

Сега стапна на „Етихад“ и го облече дресот со број 30.

-Не можам да опишам колку сум возбуден што сум овде во Манчестер и што конечно можам да кажам дека сум играч на Манчестер Сити. Фудбалот е мојот живот, а мојот сон е да играм за еден од најдобрите тимови во Европа. Денес сум поблиску до тој сон. Манчестер Сити е еден од најдобрите тимови во светот. Тие не само што освојуваат трофеи, туку играат многу убаво. Тие се пример за сите, покажувајќи им на луѓето како да играат фудбал на најдобар начин, изјави Ечевери. дс

Фото: Принтскрин