Синдикалната минимална кошничка во декември повисока за 150 денари во однос на ноември
- За околу 150 денари се зголемени минималните трошоци на едно семејство во декември во однос на ноември, покажуваат пресметките на Сојузот на синдикати на Македонија, кој секој месец ја објаву
![Синдикалната минимална кошничка во декември повисока за 150 денари во однос на ноември](https://new.mia.mk/index.php/images/20221112023729_big_730x400_47.webp )
Скопје, 10 јануари 2022 (МИА) - За околу 150 денари се зголемени минималните трошоци на едно семејство во декември во однос на ноември, покажуваат пресметките на Сојузот на синдикати на Македонија, кој секој месец ја објавува вредноста на минималната синдикална кошничка.
За храна и пијалоци, според пресметките на Синдикатот, во декември биле потребни минимум 15.091 денар, а за режиски трошоци 10.930 денари. За превоз, минималните трошоци изнесувале 2.633 денари, а за хигиена 2.397 денари.
Споредено со последно објавените податоци на Државниот завод за статистика за просечна нето плата исплатена во октомври, минималните трошоци се повисоки за 5.848 денари. бак/ац/