Симонс потпиша со ПСЖ и отиде на позајмица во Лајпциг
- Играчот од средниот ред на ПСВ, Хави Симонс, потпиша договор со ПСЖ, соопшти прес-службата на парискиот клуб.
![Симонс потпиша со ПСЖ и отиде на позајмица во Лајпциг](https://new.mia.mk/index.php/images/20230719194937_big_730x400_89.webp )
Париз, 19 јули 2023 (МИА) - Играчот од средниот ред на ПСВ, Хави Симонс, потпиша договор со ПСЖ, соопшти прес-службата на парискиот клуб.
Договорот на 20-годишниот Холанѓанец е до јуни 2027 година. Според порталот „Transfermarkt“, трансферот изнесува шест милиони евра.
Се дознава дека Симонс сезоната 2023/24 ќе ја помине во Лајпциг на позајмица.
Во сезоната 2022/23, играчот од средниот ред одигра 48 настапи за ПСВ, постигнувајќи 22 гола и 12 асистенции. зс/
Фото: ЕПА