Силва го напушта Челси на крајот од сезоната
- Бразилскиот фудбалер Тиаго Силва денеска соопшти дека ќе го напушти Челси на крајот на сезоната, објавено е денеска на клупската веб-страница. Силва (38) на тој начин по четири години ќе го напушти клубот во кој дојде летото 2020 година од Пари Сен Жермен.
![Силва го напушта Челси на крајот од сезоната](https://new.mia.mk/index.php/images/20240429173536_big_730x400_81.webp )
Лондон, 29 април 2024 (МИА) - Бразилскиот фудбалер Тиаго Силва денеска соопшти дека ќе го напушти Челси на крајот на сезоната, објавено е денеска на клупската веб-страница. Силва (38) на тој начин по четири години ќе го напушти клубот во кој дојде летото 2020 година од Пари Сен Жермен.
Бразилецот во емотивна видео порака рече дека поминал прекрасни години во лондонскиот клуб, им се заблагодари на навивачите на „сините“ за поддршката за време на неговиот престој на „Стемфорд Бриџ“ и додаде дека му е многу тешко што ќе игра на друго место следната сезона.
Бразилецот ја освои Лигата на шампионите со Челси во 2021 година, а истата година го освои и Светското клупско првенство и Суперкупот на Европа. За „сините“ одигра 151 натпревар во сите натпреварувања и постигна девет гола.
Во исклучително богатата играчка кариера, Тиаго Силва пред Челси настапуваше за Пари Сен Жермен, Милан, Флуминенсе, Хувентуд и Динамо Москва. дс
Фото: Принтскрин