Сикорски: Полска ќе придонесе финансиски и логистички во чешкиот план за обезбедување муниција за Украина
- -Многу сме среќни што придонесуваме, не само финансиски, туку и логистички за муницијата да може да стигне таму каде што треба на фронтот, рече Сикорски на прес-конференција во Прага, пренесуваат британските медиуми.
![Сикорски: Полска ќе придонесе финансиски и логистички во чешкиот план за обезбедување муниција за Украина](https://new.mia.mk/index.php/images/20240321150640_big_730x400_73.webp )
Варшава, 21 март 2024 (МИА) - Полска ќе придонесе логистички и финансиски во чешкиот план за зголемување на испораката на муниција за Украина со нејзино купување надвор од Европа, изјави денеска шефот на полската дипломатија, Радослав Сикорски.
-Многу сме среќни што придонесуваме, не само финансиски, туку и логистички за муницијата да може да стигне таму каде што треба на фронтот, рече Сикорски на прес-конференција во Прага, пренесуваат британските медиуми.
Од почетокот на руската офанзива врз Украина, во февруари 2022 година, Полска стана клучен дистрибутивен центар за снабдување на оваа земја со потребните материјално-технички средства.
Членовите на Вишеградската група (В4) се поделени по прашањето за воената помош за Украина, откако словачката Влада ѝ се придружи на Унгарија во одбивањето да учествува во иницијативата.
Чешкиот премиер Петр Фијала на 8 март кажа дека иницијативата за купување муниција досега собрала доволно средства за набавка на првата транша од 300.000 артилериски гранати, а првата испорака треба да пристигне во Украина најдоцна до јуни.сд/
фото:МИА архива