Се урна покривот на аеродромот во Њу Делхи, еден загинат, летовите откажани
- Покривот на меѓународниот аеродром „Индира Ганди“ во индиската престолнина Њу Делхи се урна во петокот под силен дожд и ветрови. Едно лице загина, а летовите се откажани, објавија официјални лица.
![Се урна покривот на аеродромот во Њу Делхи, еден загинат, летовите откажани](https://new.mia.mk/index.php/images/20240628093229_big_730x400_67.webp )
Њу Делхи, 28 јуни 2024 (МИА) - Покривот на меѓународниот аеродром „Индира Ганди“ во индиската престолнина Њу Делхи се урна во петокот под силен дожд и ветрови. Едно лице загина, а летовите се откажани, објавија официјални лица.
- Целиот терминал, еден од трите на најпрометниот аеродром во земјата, е евакуиран и наредена е истрага за колапсот. Неколку лица се повредени, изјави индискиот министер за авијација Кинјарапу Рамохан Наиду.
Педесет домашни летови се откажани или одложени, според платформата за следење летови Flightradar24.
- Осуммина повредени се пренесени во болница, изјави Атул Гарг, директор на противпожарната служба во Делхи.
Околу 148,5 милиметри дожд паднаа во областа на аеродромот во текот на три часа, што е повеќе од просекот за цел јуни, според Индискиот метеоролошки завод.
Многу други делови на Њу Делхи исто така беа поплавени, а автомобили беа заглавени во водата висока околу еден метар. паг/