Се реконструираат училници во „Димо Хаџи Димов“ во Влае
- Почна реконструкцијата на двете училници во училиштето „Димо Хаџи Димов“ во Влае. Како што соопшти денеска Општина Карпош, се заменува стариот и оштетен под со нов, а се бојадисуваат и ѕидови
![Се реконструираат училници во „Димо Хаџи Димов“ во Влае](https://new.mia.mk/index.php/images/20221104155407_big_730x400_28.webp )
Скопје, 23 јули 2020 (МИА) - Почна реконструкцијата на двете училници во училиштето „Димо Хаџи Димов“ во Влае. Како што соопшти денеска Општина Карпош, се заменува стариот и оштетен под со нов, а се бојадисуваат и ѕидовите на училниците.
Општинските власти посочуваат дека е предвидена и санација на пристапните патеки во училишниот двор, за да се обезбеди побезбедно движење на децата, наставниот кадар и родителите.
Во ова училиште, минатата година се реконструираа и дел од тоалетите и соблекувалните во спортската сала.
-Локалната самоуправа работи и на подобрување на безбедноста пред воспитно – образовните установи. Се поставуваат нови „лежечки полицајци“ и креативни столпчиња, за повнимателно возење по локалните улици, соопшти Општина Карпош.бт/дма/
![](/articles/images/se-rekonstruiraat-uchilnici-vo-dimo-ha-i-dimov-vo-vlae/ymL8mYpPz/placeholder.webp?use_watermark=0)