Се гради нов спортско-рекреативен центар во Дупки во Драчево
- Се гради нов спортско-рекреативен центар во местото Дупки во Драчево. Предвидени се фудбалско, кошаркарско, одбојкарско, тениско игралиште и фитнес зона, кои ќе бидат опремени со спортски реквизити, урбана опрема и осветлување. До нив ќе води пристапна улица, а во непосредна близина ќе се изгради и паркинг простор.
![Се гради нов спортско-рекреативен центар во Дупки во Драчево](https://new.mia.mk/index.php/images/20231222154123_big_730x400_99.webp )
Скопје, 22 декември 2023 (МИА) - Се гради нов спортско-рекреативен центар во местото Дупки во Драчево. Предвидени се фудбалско, кошаркарско, одбојкарско, тениско игралиште и фитнес зона, кои ќе бидат опремени со спортски реквизити, урбана опрема и осветлување. До нив ќе води пристапна улица, а во непосредна близина ќе се изгради и паркинг простор.
Општина Кисела Вода информира дека за две години ова е дванаесеттиот спортско-рекреативен центар, кој по завршувањето на градежните активности, на љубителите на спортот ќе им нуди бројни содржини.
Градоначалникот на општина Кисела Вода Орце Ѓорѓиевски денеска изврши увид во градежните активности.
- Местото викано Дупки во Драчево наскоро ќе биде собирно место за спортски натпревари во сите дисциплини, бидејќи тука градиме спортски комплекс кој ќе нуди фудбалско, кошаркарско одбојкарско, тениско игралиште и фитнес зона. Ќе бидат изведени согласно сите стандарди. На фудбалското игралиште ќе има вештачка трева, додека кошаркарското, тениското и одбојкарското ќе имаат акрилна подлога. Секако, ќе поставиме и спортски реквизити и урбана опрема, терените ќе ги осветлиме и ќе ги издвоиме со ограда, рече градоначалникот Ѓорѓиевски. Додаде дека се гради пристапна улица и паркинг простор. мд/нд/
Фото: Општина Кисела Вода