Македонска Каменица, 3 јануари 2024 (МИА) - Градоначалникот на Македонска Каменица, Димчо Атанасовски денеска изврши увид во завршните градежни работи за изградба на нов паркинг простор во централното градско подрачје на Македонска Каменица. На просторот кој се наоѓа на улица Александар Македонски како што соопшти, дополнително ќе биде поставена нова урбана опрема.

-Паркинг просторот со површина од 550м² обезбедува пристапна улица и 20 нови паркинг места за жителите од улица Александар Македонски. На овој простор е планирано поставување нова урбана опрема, а истиот ќе биде и хортукултурно доуреден, истакна Атанасовски.

Целта како што додаде е подобрување на условите за паркирање во овој дел од градот.

-Со овој проект, кој го реализираме во рамки на Договорот за бетонски работи и партерно уредување на јавни површини, обезбедуваме подобри услови за паркирање и поголема безбесност и функционалност на сообраќајот во нашиот град, додаде Атанасовски 

Со реализација на вакви и слични проекти најави дека Општината ќе продолжи и во наредниот период. вс/са/

Фото: Општина Макеоднска Каменица