Барселона, 26 август 2020 (МИА) - Поранешниот тренер на Барселона, Кике Сетиен, испрати писмено барање до каталонскиот клуб за да добие официјални документи за неговото разрешување, пренесува „Кадена СЕР“. Во моментов, ниту самиот Сетиен, ниту неговите помошници не можат да бараат нов тим за себе, бидејќи тие не биле официјално известени за отказот. Како што е забележано, Барселона, откако добила барање од претставниците на тренерот, ќе одговори на тоа „навремено и на соодветен начин“. Сетиен и членовите на неговиот стручен штаб, исто така, бараат паричен надоместок за откажување на договорите. зс/