Семејството Лисичанец редовно носи храна за птиците мршојадци на Витачево
- Семејството Лисичанец редовно носи храна за птиците мршојадци на висорамнината Витачево. Брачниот пар Светлана и Емануел денеска за МИА потврдија дека и оваа зима, како впрочем и сите други г
![Семејството Лисичанец редовно носи храна за птиците мршојадци на Витачево](https://new.mia.mk/index.php/images/20221105191924_big_730x400_65.webp )
Кавадарци, 26 јануари 2021 (МИА) - Семејството Лисичанец редовно носи храна за птиците мршојадци на висорамнината Витачево. Брачниот пар Светлана и Емануел денеска за МИА потврдија дека и оваа зима, како впрочем и сите други годишни времиња, континуирано оставаат кланичен отпад на хранилиштето кое опстојува веќе подолго време.
Тие ја продолжуваат традицијата која ја почна таткото и свекор, пензионираниот професор Томе Лисичанец, во рамки на Здружението за заштита на природата, „Аквила” од Кавадарци.
-Со години работиме на подигнување на еколошката свест за зачувување на животната средина. Преку проекти и кампањи укажуваме да не се трујат животни и птици, бидејќи тие се значајна алка во синџирот на исхраната во природата. Хранилиштето на Витачево е постојано посетено од птиците мршојадци, но и од други грабливки, животни и птици, рекоа Лисичанец.
Тие нагласија дека само со грижа и посветеност, ќе успееме да ја одржиме рамнотежата во природата и да ги зачуваме ретките видови птици и животни, од кои некои се на светската црвена листа на исчезнување.свд/бт/
![птици храна](/articles/images/seme-stvoto-lisichanec-redovno-nosi-hrana-za-pticite-mrsho-adci-na-vit/1OuKN7LUJ/placeholder.webp?use_watermark=0)