Семејството Кенеди го поддржува Бајден и покрај кандидатурата на Роберт Кенеди Помладиот
- Семејството Кенеди, познатата американска политичка династија, е подготвено да го поддржи реизборот на претседателот Џо Бајден, иако нивниот член Роберт Кенеди Џуниор ја продолжува својата кандидатура како независен кандидат на претседателските избори во 2024 година.
![Семејството Кенеди го поддржува Бајден и покрај кандидатурата на Роберт Кенеди Помладиот](https://new.mia.mk/index.php/images/20240321113737_big_730x400_13.webp )
Вашингтон, 21 март 2024 (МИА) - Семејството Кенеди, познатата американска политичка династија, е подготвено да го поддржи реизборот на претседателот Џо Бајден, иако нивниот член Роберт Кенеди Помладиот ја продолжува својата кандидатура како независен кандидат на претседателските избори во 2024 година.
Семејството Кенеди, исто така, се појави за време на посетата на Белата куќа за Денот на Свети Патрик оваа недела, што се гледа како знак на поддршка за Бајден, со кого ги делат ирските корени.
На настанот не се појави Роберт Кенеди Помладиот, внук на убиениот претседател Џон Ф. Кенеди.
Мет Коридони, портпарол на Демократскиот национален комитет на Демократската партија, ја истакна важноста на поддршката на семејството Кенеди за Бајден.
- Тоа покажува дека луѓето кои најдобро го познаваат Роберт Кенеди Помладиот стојат со Џо Бајден на овие избори, рече тој.
Бајден одржува долгогодишни врски со бројни членови на семејството Кенеди, на лично и политичко ниво. мс/
фото: МИА архива