Селекторот на фудбалската репрезентација на БиХ заразен со коронавирус
- Селекторот на фудбалската репрезентација на Босна и Херцеговина, Ивајло Петев е заразен со коронавирус, објавија денеска локалните медиуми, повикувајќи се на официјално соопштение
![Селекторот на фудбалската репрезентација на БиХ заразен со коронавирус](https://new.mia.mk/index.php/images/20221106144242_big_730x400_83.webp )
Сараево, 27 март 2021 (МИА) - Селекторот на фудбалската репрезентација на Босна и Херцеговина, Ивајло Петев е заразен со коронавирус, објавија денеска локалните медиуми, повикувајќи се на официјално соопштение.
Бугарскиот стратег е во самоизолација и нема да ја предводи репрезентацијата на БиХ на денешниот пријателски натпревар против Костарика во Зеница, а ќе го пропушти и мечот против светскиот првак Франција, в среда во Сараево, во рамки на второто коло во мундијалските квалификациите.
- Задолжителните тестирања на Ковид-19 беа извршени по враќањето на репрезентацијата од Финска. Резултатите пристигнаа во петокот вечер, сите тестирани фудбалери се негативни, како и членовите на стручниот штаб, но селекторот Ивајло Петев доби позитивен тест на коронавирус, соопшти Фудбалската федерација на БиХ.
Во соопштението се додава дека Петев на претходните две тестирања бил негативен и оти е невозможно да се утврди каде и кога се заразил со вирусот.
Бугарскиот тренер се чувствува добро и нема симптоми на болеста. ег/ми/