Секоја секунда се активираат три нови веб-страници
- Врз основа на податоците од „симиларвеб“ - „google .com“ е најпосетувана интернет-страна, а потоа следат „youtube .com“, „facebook .com“, „instagram .com“ и „twitter .com“. Северна Европа има највисоки стапки на пристап до интернет.
![Секоја секунда се активираат три нови веб-страници](https://new.mia.mk/index.php/images/20230807084509_big_730x400_15.webp )
Лос Анџелес, 7 август 2023 (МИА) - Со преку милијарда активни интернет-страни ширум светот, секоја секунда се отвораат три нови страници. Според тоа, во светот се создаваат 175 страници секоја минута, 10.500 секој час, 252.000 дневно, а активно се користат 18 отсто од нив (речиси 202 милиони страници).
„Гугл“, „Јутјуб“, „Фејсбук“, „Инстаграм“ и „Х“ (Твитер) се најпосетуваните страни на интернет. Врз основа на податоците од „симиларвеб“ - „google .com“ е најпосетувана интернет-страна, а потоа следат „youtube .com“, „facebook .com“, „instagram .com“ и „twitter .com“. Северна Европа има највисоки стапки на пристап до интернет. Според „Статиста“ - германска компанија за собирање податоци, во април 64,9 отсто (5,18 милијарди) од светското население користеле интернет, а 59,9 отсто (4,8 милијарди) користеле социјални мрежи.
Во однос на просечното времетраење на посетата, корисниците минуваат околу 10 минути и 38 секунди на „Гугл“, 20 минути и 25 секунди на „Јутјуб“, 10 минути и 43 секунди на „Фејсбук“, осум минути и 22 секунди на „Инстаграм“ и 10 минути и 47 секунди на „Х“.
Земјите со најголем пристап до интернет се Норвешка, Саудиска Арабија и Обединетите Арапски Емирати, сите со 99 отсто. Азија води по бројот на корисници на интернет со 2,93 милијарди, а по неа е Европа со 750 милиони корисници. си/
Фото: МИА архива.