Лондон, 18 март 2020 (МИА) - Раководството на Формула 1 ја разгледува опцијата да ја започне сезоната 2020 на крајот на 24 мај и да заврши на 20 декември. Според „FormulaPassion“, раководството на тркачката серија очекува дека Гран-при Монако сепак ќе се одржи навреме, и покрај рестриктивните мерки на локалните власти. Исто така, постои опција да се намали времетраењето на етапите од три на два дена. Видео-конференција ќе се одржи на 20 март со учество на раководството на Формула 1, Меѓународната автомобилска федерација (ФИА) и претставници на екипите, кои ќе разговараат за можни промени во календарот на трките за 2020 година. Оваа година четири Гран-при се веќе откажани или одложени: во Австралија, Бахреин, Виетнам и Кина. Загрозени се трките во Азербејџан, Шпанија, Монако и Холандија. зс/