Седум години по објавувањето, сè поголем интересот за збирката раскази „Мојот маж“ од Бужаровска
- Седум години по објавувањето, сè поголем интересот за збирката раскази „Мојот маж“ од Румена Бужаровска, објавена на германски јазик, со што ова дело стануава достапно за читателите во Герман
![Седум години по објавувањето, сè поголем интересот за збирката раскази „Мојот маж“ од Бужаровска](https://new.mia.mk/index.php/images/20221106132650_big_730x400_50.webp )
Скопје, 10 март 2021 (МИА) - Седум години по објавувањето, сè поголем интересот за збирката раскази „Мојот маж“ од Румена Бужаровска, објавена на германски јазик, со што ова дело стануава достапно за читателите во Германија, Австрија и Швајцарија, а наскоро се очекува и француски превод во издание на Галимар, издавач со богата и долга традиција.
- „Мојот маж“ е објавена и во САД, Велика Британија, Ирска, Италија, Унгарија, како и во сите земји од поранешна Југославија каде што Бужаровска се доживува како една од најголемите регионални ѕвезди во книжевноста. Во Македонија оваа збирка има шест изданија, а неодамна „Или-или“ го објави и првиот превод на албански јазик, стои во соопштението од издавачката куќа „Или-или“.
Според мотивите од овие раскази поставени се и истоимените претстави на сцената на Драмски театар од Скопје во режија на Нела Витошевиќ, на сцената на Словенско младинско гледалишче од Љубљана во режија на Ивана Ѓилас, а за 30 март е закажана премиерата во Југословенско народно позориште од Белград во режија на Јована Томиќ. свс/ац/