Седници на две собраниски комисии
- Во Собранието денеска седници треба да одржат Комисијата за прашања на изборите и именувањата и Законодавно-правната комисија.
![Седници на две собраниски комисии](https://new.mia.mk/index.php/images/20230626212949_big_730x400_32.webp )
Скопје, 27 јуни 2023 (МИА) - Во Собранието денеска седници треба да одржат Комисијата за прашања на изборите и именувањата и Законодавно-правната комисија.
Чкеновите на Комисијата за прашања на изборите и именувањата треба да го утврдат предлогот за избор на член на Советот на јавните обвинители на Република Северна Македонија по Огласот за избор на еден член на Советот на јавните обвинители на Република Северна Македонија објавен во „Службен весник на РСМ" број 154/2022.
На дневен ред на Законодавно-правната комисија се Предлог законот за дополнување на Законот за минерални суровини во прво читање, Статутарната одлука за изменување и дополнување на Статутот на Регулаторната комисија за енергетика и водни услуги на Република Северна Македонија ( I Фаза), Предлог одлуката за номотехнички правила за подготвување на законите, Предлог законот за изменување на Законот за здравственото осигурување, по скратена постапка, Предлог законот за изменување и дополнување на Законот за аудио и аудиовизуелни медиумски услуги, по скратена постапка и Предлог законот за дополнување на Законот за семенски и саден материјал за земјоделски растенија во прво читање. дма/вг/
Фото: МИА архива