Седница на Надзорниот одбор на СДСМ, избран претседател, поставени темели за работа, одговорност, отчетност и почитување на Етичкиот кодекс приоритети
- Попладнево се одржа првата седница на новоизбраниот Надзорен одбор на СДСМ, на којашто покрај членовите присуствуваа генералниот секретар на СДСМ, Љупчо Николовски и организациониот секретар,
![Седница на Надзорниот одбор на СДСМ, избран претседател, поставени темели за работа, одговорност, отчетност и почитување на Етичкиот кодекс приоритети](https://new.mia.mk/index.php/images/20221107111450_big_730x400_82.webp )
Скопје, 21 мај 2021
Попладнево се одржа првата седница на новоизбраниот Надзорен одбор на СДСМ, на којашто покрај членовите присуствуваа генералниот секретар на СДСМ, Љупчо Николовски и организациониот секретар, Мартин Попов.
За претседател на Надзорниот одбор на СДСМ е избран Горан Сугаревски а на оваа седница се поставија и темелите за понатамошна работа.
Надзорниот одбор на партијата е важен орган, задолжен за надгледување на финансиската и деловната активност, за оценување на статутарноста на актите и одлуките кои се носат, а надлежен е и за спроведување на Етичкиот кодекс за однесување.
Надзорниот одбор на СДСМ во иднина фокусот на работата го става токму на одговорноста, отчетноста и почитувањето на Етичкиот Кодес од страна на сите избрани и именувани функционери, но и на сите членови.
Генералниот секретар на СДСМ, Љупчо Николовски, во обрќањето пред членовите посочи дека СДСМ е прва партија која воведе нов, современ Етички кодекс за членовите и носителите на раководни должности во партијата и државата, додавајќи дека очекува посветена работата на Надзорниот одбор во сите сегменти.
„Со Етичкиот кодекс СДСМ дефинираше највисоки етички стандарди во поглед на чесноста, транспарентноста, одговорноста. Оваа генерација политичари во СДСМ дава пример и конкретен придонес. Преку одговорен мерит систем, за почитување на нормите и владеењето на правото, како и стандардите за етичко, одговорно, отчетно, професионално и транспратентно однесување и работење. Тука очекувам максимален анжаман и посветеност на Надзорниот одбор и убеден сум дека тоа ќе го направите. Тоа се нашите вредности“, посочи Николовски.
Принципот на спој на искуство и освежување, на нова енергија и полет СДСМ го преслика и во составот на Надзорниот одбор на партијата.
Меѓу нив има личности кои многупати досега се докажале внатре во партијата и во општеството, но има и нови лица кои се спремни да се вложат во процесот на постојани промени на подобро, да се вградат во политиките на СДСМ.
Со почит,
Центар за комуникации со јавноста на СДСМ
_________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.