Седница на собраниската Комисија за финансирање и буџет
- Во Собранието денеска седница ќе одржи Комисијата за финансирање и буџет.
![Седница на собраниската Комисија за финансирање и буџет](https://new.mia.mk/index.php/images/20221107141442_big_730x400_72.webp )
Скопје, 5 јули 2021 (МИА) - Во Собранието денеска седница ќе одржи Комисијата за финансирање и буџет.
Членовите на оваа комисија ќе расправаат за Предлог-законот за изменување и дополнување на Законот за данокот на додадена вредност, по скратена постапка - второ читање.
На дневниот ред на седницата е и Предлог-законот за утврдување на јавен интерес и номинирање на стратешки партнер за имплементација на проектот за изградба на инфраструктурниот коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и коридорот 10 Д (делница на автопатот Прилеп - Битола) во Република Северна Македонија, по скратена постапка - второ читање.
Овој Предлог-закон е поднесен од пратениците Јован Митрески, Арбер Адеми, Сурија Рашиди и Кастриот Реџепи. мд/сп/