СДСМ: ВМРО-ДПМНЕ се поразени, да им се извинат на граѓаните и да понесат одговорност
- Срам е да го лажеш народот дека имаш мнозинство а во исто време да се покаже дека немаш. Срам е да излезеш со тешко лажно обвинување, да лажеш дека е киднапиран пратеник, во исто време кога
![СДСМ: ВМРО-ДПМНЕ се поразени, да им се извинат на граѓаните и да понесат одговорност](https://new.mia.mk/index.php/images/20230708215245_big_730x400_62.webp )
Скопје, 11 ноември 2021
Срам е да го лажеш народот дека имаш мнозинство а во исто време да се покаже дека немаш.
Срам е да излезеш со тешко лажно обвинување, да лажеш дека е киднапиран пратеник, во исто време кога пратеникот изјавува дека е под закана од поединци токму од опозицијата.
Таа вистина сигурни сме дека ќе се потврди овие денови.
Срам е да велиш дека некој манипулира а во исто време со недели да ја манипулираш јавноста.
Срам е да седиш на иста маса со оние кои се против НАТО и ЕУ, против концептот едно општество, против правдата, а во исто време друг да ти биде виновен за тојот неуспех.
Срам е да велиш дека се црни денови за македонската демократија а не се извиниш за сите лаги и да поднесеш оставка.
Оние кои со меници држеа пратеници денеска полна им е устата со лаги и нови закани. Е тоа е срам.
Заканите на ВМРО-ДПМНЕ се показател за нивниот дебакл, за поразот на нивните лаги, за поразот на сите нивни невистини, манипулации...
Хритијан Мицкоски, Зијадин Села, и Билал Касами, треба да излезат пред граѓаните, да им се извинат и да понесат одговорност.
Граѓаните да бидат спокојни, СДСМ, заедно со сите демократски сили и пратеници ќе обезбеди стабилност и продолжување на напредокот на земјата.
СДСМ - Центар за комуникации со јавноста
_____________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.