СДСМ: Арсовска ги игнорира ингеренциите на Град Скопје за топлинската енергија
- Градоначалничката Данела Арсовска секојдневно покажува неспособност да ги решава проблемите на скопјани и основно непознавање на нејзините ингеренции.
![СДСМ: Арсовска ги игнорира ингеренциите на Град Скопје за топлинската енергија](https://new.mia.mk/index.php/images/20240322211218_big_730x400_97.webp )
Скопје, 12 јануари 2022
Градоначалничката Данела Арсовска секојдневно покажува неспособност да ги решава проблемите на скопјани и основно непознавање на нејзините ингеренции.
Наместо конкретни мерки за помош на скопјани во време на енергетска криза и криза со топлинска енергија во Град Скопје, Арсовска не презема ништо, дури нема предвидено ниту денар во Буџетот за помош на граѓаните.
Но, затоа Арсовска постојано се иззема и бара оправдувања за нејзината неспособност и незнаење и при тоа го игнорира фактот дека Град Скопје има ингеренции врз топлинската енергија.
Арсовска, односно Град Скопје има обврска пред скопјани, но и законски обврски и надлежности во делот на енергетиката.
Поточно, Член 151 став 1 од Законот за енергетија вели дека „Заради сигурно, безбедно, непрекинато и квалитетно снабдување со топлинска енергија на потрошувачите на своите подрачја, единиците на локална самоуправа овозможуваат услови за извршување на следниве дејности:
1) Производство на топлинска енергија;
2) Дистрибуција на топлинска енергија и
3) Снабдување со топлинска енергија.
Срамно е што Арсовска и ВМРО-ДПМНЕ ги заборавија скопјани во време на криза.
Ова е крајно неодговорен, нечесен и потценувачки однос на Арсовска и ВМРО-ДПМНЕ кон Град Скопје и неговите граѓани.
Центар за комуникации со јавноста на СДСМ
_________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.