Скопје, 29 април 2022 (МИА) - Во Домот на Армијата во Скопје денеска министерката за одбрана Славјанка Петровска ќе присуствува и ќе се обрати на свечената академија по повод јубилејот „70 години од основањето на Организацијата на резервни офицери на Република Северна Македонија“. По повод свеченоста од страна на претседателот на Организацијата на резервни офицери, Гоце Георгиев ќе бидат доделени признанија и плакети на претставници од законодавната и извршната власт, на Армијата и на Меѓусојузничката конфедерација на резервни офицери за досегашната соработката, поддршката и функционирањето на Организацијата во остварување на активностите на домашен и меѓународен план. цр/ац/