Светска програма за храна: Тиграј в петок останува без храна
- Директорот на Светската програма за храна (World food programme), Дејвид Бизли, изјави дека Агенцијата на Обединети нации во етиопскиот регион Тиграј в петок ќе остане без храна
![Светска програма за храна: Тиграј в петок останува без храна](https://new.mia.mk/index.php/images/20221108001129_big_730x400_25.webp )
Рим, 28 јули 2021 (МИА) - Директорот на Светската програма за храна (World food programme), Дејвид Бизли, изјави дека Агенцијата на Обединети нации во етиопскиот регион Тиграј в петок ќе остане без храна.
Стотици илјади луѓе во Тиграј се соочуваат со глад, во услови на најтешка хуманитарна криза во светот во изминатата деценија.
- Околу 170 камиони со храна и други резерви се заглавени во соседниот регион Афар, и тие мора да можат веднаш да поминат до Тиграј, објави Бизли на Твитер.
Тој додаде дека сто камиони со таков товар се потребни за еден ден во Тиграј.
- Луѓето гладуваат, наведе Бизли.
Се поголем е меѓународниот притисок врз етиопската Влада да дозволи достава на многу потребна храна и други материјали до Тиграј. Помош нема стигнато до некои заедници од ное4мври минатата година, кога почна граѓанската војна помеѓу етиопската армија и силите на Тиграј. ми/