Светозар Јаневски одликуван со орденот Витез од редот на Легијата на честа на Француската Република
Скопје, 13 октомври 2022 (МИА) - На истакнатиот македонски стопанственик Светозар Јаневски за неговиот исклучителен професионален ангажман, социјална одговорност, визионерство, но и за влогот во француско-македонското пријателство денеска во француската резиденција му е врачен орденот Витез од Редот на Легијата на честа, највисоко одликување на Француската Република.
Францускиот амбасадот Сирил Бомгартнер на свеченоста во присуство на најблиските, пријатели и соработници истакна дека да се биде одликуван со Легијата на честа е навистина голема и ретка чест, бидејќи Јаневски е трета личност од земјава која го добива ова признание и прва во областа на економија.
Тој при тоа ги издвои клучните етапи од неговата кариера - влезот во „Скопска пивара“ и нејзината приватизација и трансформација во модерна компанија, откупувањето на најголемата винарија во земјата заедно со партнерите во Групацијата М6 - Тиквеш која од состојба пред банкрот денес го има приматот по производство во земјава и е бренд со пласман во регионот и пошироко. Исто така го спомена и купувањето на францускиот посед Шато де Гурдон во 2018 со чии две вина во 2020 и 2021 година освои двоен златен медал во конкуреннција со речиси 300 странски вина на престижниот меѓународен саем Mundus Vini во Германија.
-Грижата за квалитет, стремежот кон извонредност се доминантни карактерни особини кои ги објаснуваат сите важи квалитети како професионални така и човечки. Вие сте неуморен работник голем професионалец, трпелив и истраен. Но, вие сте и визонер. Грижата за квалитет што ја поседувате всушност ја надминува строгата рамка на вашите претприемачки активности и сведочи за прогресивната визија за општетството. За вас подигањето на квалитетот значи промовирање на модерен и ефикасен економски модел, кој обезбедува независност и развој, особено во областа на земјоделството. Тоа е всушност начин за подобрување на животниот стандард и како што и самите велите борбата против сиромаштијата, рече амбасадорот Бомгартнер по повод додлеувањето на орденот.
Легијата на честа е француски орден, со кој што се одликуваат личности надвор од Франција, кои покрај нивните заслуги потребно е да имаат доволна поврзаност со Франција, а таа поврзаност во случајот со Јаневски, додаде тој, е разновидна и се изразува пред се во областа на виното.
-Кога одлучивте да го подобрите асортиманот на Тиквеш го повикувате францускиот енолог Филип Камби, кој ќе го пренесе своето знаење дури и повеќе од тоа, ќе обучи цела нова генерација македонски енолози, вклучително и Марко Стојаковиќ, кој денес е главен енолог на имотот. Благодарение на вас, поодбрувањето на палетата македонски вина е и резултат на соработката меѓу нашите две земји. Потоа го купивте имотот Шато де Гурдон. Оваа инвестиција не само што ќе биде корисна на економски план и за локалниот развој во Прованса, туку ќе придонесе и за едно значајно движење воп Долината на Рона и општо земено за сите француски вина... Вашите напори беа интензивни, но покрај меѓународните награди кои ги добивавте за тоа тие направија вашето производство да стане симбол на пријателството и политичкото приближување на нашите две земји, истакна амбасадорот Бомгартнер.
Јаневски заблагодарувајќи се истакна дека добивањето на орденот за него претставува голема привилегија и исклучителна чест да се биде помеѓу избраните поединци кои се добитници на ова високо одличје.
-Горд сум што можам да кажам дека припаѓам на оние што градат мостови на сорабтка помеѓу земјите, барајќи го она што не поврзува, што отвора перспектива за поубав и посреќен живот, што создава дополнителна вредност, одржлив развој и благосостојба, рече Јаневски кој е и почесен конзул на Република Финска во земјава.
Како претприемач и инвеститор имам чувство, потенцира Јаневски, „дека една од работите кои ги поврзува Македонија и Франција е виното, едната по долгата винска традиција, а другата по производство на најпознатите вина во светот која ги поставува стандардите за врвно вино“.
-Така започна она што за некои беше само авантура, за мене и за моите соработници е долгорочна мисија на поврзување на две земји, две култури, две економи и две нации. Посакувам овој орден да биде патоказ и дополнителен мотив особено за младите да ги охрабри да размислуваат и да работат на идеи и проекти кои ќе креираат уште посилни врски меѓу нашите две земји, порача Јаневски.
-Грижата за квалитет, стремежот кон извонредност се доминантни карактерни особини кои ги објаснуваат сите важи квалитети како професионални така и човечки. Вие сте неуморен работник голем професионалец, трпелив и истраен. Но, вие сте и визонер. Грижата за квалитет што ја поседувате всушност ја надминува строгата рамка на вашите претприемачки активности и сведочи за прогресивната визија за општетството. За вас подигањето на квалитетот значи промовирање на модерен и ефикасен економски модел, кој обезбедува независност и развој, особено во областа на земјоделството. Тоа е всушност начин за подобрување на животниот стандард и како што и самите велите борбата против сиромаштијата, рече амбасадорот Бомгартнер по повод додлеувањето на орденот.
Легијата на честа е француски орден, со кој што се одликуваат личности надвор од Франција, кои покрај нивните заслуги потребно е да имаат доволна поврзаност со Франција, а таа поврзаност во случајот со Јаневски, додаде тој, е разновидна и се изразува пред се во областа на виното.
-Кога одлучивте да го подобрите асортиманот на Тиквеш го повикувате францускиот енолог Филип Камби, кој ќе го пренесе своето знаење дури и повеќе од тоа, ќе обучи цела нова генерација македонски енолози, вклучително и Марко Стојаковиќ, кој денес е главен енолог на имотот. Благодарение на вас, поодбрувањето на палетата македонски вина е и резултат на соработката меѓу нашите две земји. Потоа го купивте имотот Шато де Гурдон. Оваа инвестиција не само што ќе биде корисна на економски план и за локалниот развој во Прованса, туку ќе придонесе и за едно значајно движење воп Долината на Рона и општо земено за сите француски вина... Вашите напори беа интензивни, но покрај меѓународните награди кои ги добивавте за тоа тие направија вашето производство да стане симбол на пријателството и политичкото приближување на нашите две земји, истакна амбасадорот Бомгартнер.
Јаневски заблагодарувајќи се истакна дека добивањето на орденот за него претставува голема привилегија и исклучителна чест да се биде помеѓу избраните поединци кои се добитници на ова високо одличје.
-Горд сум што можам да кажам дека припаѓам на оние што градат мостови на сорабтка помеѓу земјите, барајќи го она што не поврзува, што отвора перспектива за поубав и посреќен живот, што создава дополнителна вредност, одржлив развој и благосостојба, рече Јаневски кој е и почесен конзул на Република Финска во земјава.
Како претприемач и инвеститор имам чувство, потенцира Јаневски, „дека една од работите кои ги поврзува Македонија и Франција е виното, едната по долгата винска традиција, а другата по производство на најпознатите вина во светот која ги поставува стандардите за врвно вино“.
-Така започна она што за некои беше само авантура, за мене и за моите соработници е долгорочна мисија на поврзување на две земји, две култури, две економи и две нации. Посакувам овој орден да биде патоказ и дополнителен мотив особено за младите да ги охрабри да размислуваат и да работат на идеи и проекти кои ќе креираат уште посилни врски меѓу нашите две земји, порача Јаневски.
Орденот Витез од Редот на Легијата на честа, е највисоко одликување на Француската Република и се доделува од името на Претседателот на Француската Република. вг/дма/
