Самостојна изложба на Забедин Мемиши во Уметничката галерија во Тетово
- Во Уметничката галерија во Тетово вечерва беше отворена самостојна изложба на Забедин Мемиши, насловена „Во облаци“, на која авторот се претставува со триесетината уметнички слики.
![Самостојна изложба на Забедин Мемиши во Уметничката галерија во Тетово](https://new.mia.mk/index.php/images/20221113153238_big_730x400_21.webp )
Тетово, 8 јуни 2022 (МИА) - Во Уметничката галерија во Тетово вечерва беше отворена самостојна изложба на Забедин Мемиши, насловена „Во облаци“, на која авторот се претставува со триесетината уметнички слики.
-Сликите на Забедин Мемиши се полни со дух, полни со имагинација од небесниот свет, се во целосна согласност со воздигнувањето на соништата и медитацијата, истражуваат фрагменти од облаци, зборуваат за надежта за овој дар на боговите што нè тера да мислиме дека утре ќе биде сончево, истакна на отворањето на изложбата директорот на Галеријата, Илир Куртиши.
![мемиши 2](/articles/images/%d1%81%d0%b0%d0%bc%d0%be%d1%81%d1%82%d0%be%d1%98%d0%bd%d0%b0-%d0%b8%d0/97ZmLm2vK/placeholder.webp?use_watermark=0)
Изложбата ќе може да се посети во наредните седум дена. Забедин Мемиши е академски сликар, дипломирал на Универзитетот во Тетово во 2009 година. ас/хс/